Áskorun vegna læknadeilu

Af hverju þarf að hækka laun yfirlækna á heilsugæslum þegar þeir eru með 1700.000,- í laun á mánuði?

Um að gera að semja um hærri byrjunarlaun fyrir unglæknana sem eru að koma heim úr námi, það er náttúrulega til skammar að þeir fái ekki mannsæmandi laun sem taka mið af þekkingu og ábyrgð, en mér finnst alveg óþarfi að hækka laun um 40% sem eru yfir milljón fyrir :/ er þetta bara ég eða?...

Ég hefði ekkert á móti því að læknar opinberuðu hvað þeir eru raunverulega með í laun og hversu mikils þeir krefjast til viðbótar, mér finnst það koma spánskt fyrir sjónir að þeir neiti að opinbera kröfur sínar fyrir almenningi.

Auðvitað þarf að semja strax en ríkið verður líka að geta staðið undir því, hefði ég haldið, og þegar öryrkjar og eldri borgarar fá einungis 3% launahækkun á fáránlega lág laun og TR byrjar á því að lækka bæturnar manns um áramótin svo hækkunin verði nú örugglega minni sem kemur um miðjan mánuðinn þá finnst manni fáránlegt að menn sem hafa yfir milljón á mánuði eigi að fá 40% hækkun frá sama launagreiðanda og getur ekki gert betur við þá sem minnst mega sín í þessu samfélagi.

Læknar mættu líka vera ábyrgir fyrir mistökum sínum gagnvart sjúklingum þegar þeir eru svona hátt launaðir.  Eftir að hafa orðið fyrir óbætanlegum læknamistökum og fá engar skaðabætur fyrir þar sem læknar tryggja sig í bak og fyrir og verja svo trygginguna sína með kjafti og klóm til að sjúklingar þeirra geti liðið enn meira fyrir mistökin þeirra og þjáðst fjárhagslega að auki.  Hugsa sér að það skuli vera fyrningarregla á læknamistökum... í mínu tilfelli eru mistökin ekki fyrnd en það líður að því að læknirinn geti hrósað sigri yfir fyrningu, en skaðinn sem ég sit uppi með fyrnist aldrei, hann verður aldrei hægt að laga!  

Sorry allir en ég hef ekkert brjálæðislega mikla samúð með læknum, enda hef ég ekkert æðislega góða reynslu af vinnubrögðum þeirra.